Dag 242 – Lòchballon

Ken ie het leedke van Nena noch “99 Luftballons”?
Doar vaarn (dat hew éleerd van un “professioneeln” lòchballonexpert)  vanoangd twee (neet twei want dat is mie te Èènters Glimlach) lòchballonn owaer oons hen. Aaltied garant vuur un mooi plaatje ,en vuural as de zunne zich achter de wolkn verstopt!

Dag242

Dag 241–Vaag en schaarp

An het truukn èwes met Photoshop. Twee foto’s èmaakt van de oost-indische kers, woervan ene schaarp en ene vaag. Dizze twee foto’s he’k combineerd in Photoshop tot een’n foto, zodaj ofwisselend vaag en schaarp könt zeen.

Dag241

Dag 240 – Creatief met bloomn

In dizze dage van creatieven armood he’k wat niejs bedach!
Versiert de vogelhuuskes in’n tuin eens met bloomn. Het steet fluurig,  veranndert oen’n blik op’n tuin en de volgels heb’t er gen las van want zie bint toch à oetevleugn (hop ik…)  Zo he’k dus bloomn van ‘n dahlia, hibiscus en flox un tweede kààns ègeewn duur ze in un vogelhuuske of vogelpindakeazepot te stekn!
Un volgende keer kàànkt wà hemn oawer “creatief met vogelhuuskes”, ofwel dan versier ik de bloomnbuske in’n tuin duur dur heel creatief un vogelhuuske in te smietn…

Dag240c

Dag240b

Dag240

Dag 239 – Achterstallig onderhoud

Dit raam heeft enig achterstallig onderhoud, zoaj dat mooi in het Nederlàànds kunt zengn. En inderdoad, het zit achter in’n stal en het kan wà wat onderhoold gebroekn.

Dag239

Dag 238 – De menukaarte

Wie maakt elken zoaterdag un liestje wa’w de kommende wekke goat ettn. Un soort menukaart mear dan met één’n hoofdgaank. Neet meer en ook neet meender. Dat liestje koomp dan op het prikbord in de kökn te hangn. Hooj geduurnde de wekke neet meer te prakkizeern wa’j zölt etn,  Dizze wekke stoat er völle greunten oet un eengsen tuin op.  Ik heb ze mear umcirkeld met oranje.
De courgette steet nò àl un paar wekkn op het menu (roerbak, soep, duur’n macaroni enz.). Ik heb èleazn dat’n courgette deur blif greuin tot un eersen nachvos. Met un betje pech kriew un heel zach weenter, en ett wieleu noch courgette tot veer in tookn joar…

Dag238

Dag 237 – De lechkes

Trots op miene eengstgemaakte lantearnkes. Zie brandt mooi met un waxinelechje dèr in. Gef wà sfeer zoa teangn de doonkere lòch.

Dag237b

Dag 236 – Reppel

Met’n slieptol an de gaank èwes um de oole drinkbeks, die kets warn vasteroest, lös te maakn van de reppels. De voonkn vleungn alle kààntn op. Gef natuurlijk wà mooie sfeerbeeldjes…

Het woord “reppel” is wà wier un ech dialectwoord. Un reppel is un paol in’n stal woer vrogger de beeste an stönn. Rechtevoort mag dat neet meer en munt de beeste vri-j könn roondloopn. 
Ie hebt ok oetdrukkingen met het woord “reppel”. Ai bievuurbeeld an’n lessen reppel stoat, is het neet bes met oe èsteeld. Dan stoaj bie wieze van sprekn met één been in’t graf. De beeste die vrogger an’n lessen reppel stönn warn namelijk riepe vuur’n slacht en mossen vertrekkn. 
Het waarkwoord “reppeln” hef wier ààndere betekenissen. Het betèèknt beunn en ravotn, mear doar zit ok iets in owaer un grootsen drang in de natuur…
At beeste an’t reppeln bint, dan bespringt ze mekaar spöls. Dus reppeln is vake net iets meer dan beunn en ravotn.
Zol doar dan ok het volgende woord vandan komn “reppeltuutje”?

Dag236

Dag 235 – Poetslappe neurig

Het stalreampke hieronder hef wà heel snel un poetslappe neurig. Zit kàànt onder de dröa en andern pröttel. Ech helder kiek ie dur neet mear duur hen…
Mear jà, het is ok àl oold, en dan wordt alles ok un betje meender. Goat mear noa bie oezelf. Aj ‘s morns oene luuke lösdoot, is ok alles nog neet zo helder en fris. Zeej ok nog neet alles… Hef zekers te maakn met ‘n leaftied.

Dag235

Dag 234 – Pruumkes

Ie kèènt ongetwiefeld het sprekwoord wà dat de domste boern de dikste eapeln hebt. Mèèr hoe zit dat nò met proemn? Hoe grötter de proemn, hoe dommer de plukkers? Dan bint wieleu nog wà naar slim klook (duurdenkertje) , want wie hebt proemn zo groot as kassen. Mear zo-aj ok wà zult weatn, het geet oeteindelijk neet um de kwantiteit mèèr um de kwaliteit! En dat zit wà good met dizze pruumkes, want zie smaakt wà heel aarg lekker…

Dag234c

Dag 233 – Lekker op de trekker

Wie kèènt het volgende liedje van Mannenkoor Karrenspoor neet: Lekker op de trekker.  Met un betje muziek erbie köj inderdaad wà plezeer hemn met het trekkerveurn. De buurman hef dat good begrepn en hef doarumme un “Disco” grösmeaier van Claas. Het is dus un dolle boele op’n trekker atte geet meain. Zweailechen an, de muziek op tiene, en doar geet’t hen. Un dolle boele op’t làànd. De beunders grös vleengt erof  met un extra dosis “Arbeidsvitaminen” 

Dag233