Het wörn zotoverdan wier tied um wat te publiceern! Vuurige moand bi’k ter zomear met oppeheuln. Dat lear in het feit da’k weinig inspiratie harre en da’k per 20 oktober in Duutslàànd (in Borken, oawer de greanze achter Weenterswiek) waarke. Doar blif dan weinig tied oawer um un foto met biepassend verhaal te maakn. En ai un keer gen zin hebt, dan he’j dat de volgende keer wier…
Mear gisternmorn mos het gebuurn: de weenterbèàne monn der op (of der onder). Het hà un paar groad èvreurn, doar wordt a wier un echen horrorweenter vuurspeld, dus um good vuurbereid te wean munt der de weenterslòffen onder. Ik dache, loa’k het is slim anpakkn, duur de bèàne kruuslings te wisseln. Dus leenks-achter (zommerbàànd) wörn nu rechts-vuur (weenterbaand). Doar vuurkomm ie met dat de bèàne an eene kàànte te hard goat slietn. Helaas kwam ik der ‘s aongs achter, noadat alle bèàne der op zattn, dat met huidige radiaalbèàne het kruuslings wisseln neet mear kan. Duur het skuune profiel köj alleanig mear vuurtn en achtern verwisseln. Leenks en rechts kan neet mear umdat het water noar achtern mut wörn offevoerd.. Àànders he’j kààns da’j bie zwoare buujn goat driewn…
Heb ik wier…. Kàànk tookn zoaterdag wier opnieuw bèàne gaon wisseln.
) vri-j koomp bie het bràànn van de kearskes.
