31 januari 2015 – Vistrappn

Vistrappn in’n sneeuw leawert un mooi symetrisch plaatje op. Ik zalle mear niks zengn oawer onzinnige projecten, waterschapslassen die mear omhoge goat, fusies die aleanig meer geeld kost, enzovoort….
Wa’k wà wille zengn is dat het 20 joar gelène is dat de diekn in de Betuwe bienoa duurbrakn. Wie woonn toe in Zetten in de Betuwe. Ochten en un deel van Dodewaard bint toe ontruumd. Zetten hoown nog net neet.  Ik weer nog good da’k ‘s  oangs van Utrecht via Rhenen noar thoes jaangn. Op de Rijnbrugg bie Rhenen kwam mie un hele kolone van auto’s met veewaangtjes en anhangkoarn tegemeute . Het leek wà un oorlogsgebied woer iedereene mos maakn datte wegkwam. Gelukkig kwam der genne duurbraak en heuln wieleu de veute dreuge. Noa de tied bint de de diekn verheungd en versteawugd duur de waterschappn, wat heel hard neurig was.

31 januari 2015 a.jpg

28 januari 2015 – Invasion of the pony’s

Doar is un bekeandn griezelfilm “Invasion of the bodysnatchers”.  Bie oons he’w der nò het vervolg op, namelijk “Invasion of the pony’s”. 
Bie Pony en Pony heft er zich un geboorte-explosie vuurèdoan. Plotsklaps bint er nò zesse èwörn in plaatse van twee. Da’s eawn skrikkn!
Dat wordt dus duftig bievoorn met heui duur de buurman, want met eur tweeën hadn ze de weide àl helemoal glad èkreangn.

herhaling1

24 januari 2015 – Snee

Het was vandage zo betje un eesen dag dat er sneeuw völ den ok bleaf lingn.  Dus een un mooi moment um der op oet te trekkn um foto’s te maakn.
Dizze foto’s he’k èmaakt in’n Beushook, bie un niejn waterretentieviever. De aalscholvers zit in’n boom te wachen op de vleengde viske. He is eur te koold um in het water te duukn

IMG_6777

IMG_6781

1 januari 2015 – Weg met`n pröttel

De stroate was bie oons wier helemoal roodèkluurd van al het veurwaark, wa`w offeschöttn hebt. Het veurwaark in Amsterdam bie het Scheepvaartmuseum verbkleekn bie de 3 pötte die’k bie Van de Broeke in Wiern (in het Happy Hour) harre èkoch. Volgend joar könt ze better hier televisieopnaamn maakn vuur het Nationale Aftelmoment. Kearl, kearl, wat gung het er vanof! Het leak`wàl oawerdag, zovölle lech um 12 uur.
Dus vandage mo’k al den pröttel opruumn. De gemeente koomp hier neet langs met un keerwaangtje um te helpn opruumn. Dor wa’k dus wàl efkes drok bezig!

1 januari 2015 a