6 september 2016 – Un Waterhooksen knup

Kenn ie het verhaal van un Gordiaansen knup? Alexander un Grootn höw met een’n slag van zien zwaard un meuilijken knup duur, den te lastig was um met de hàànde te ontwarrn. Wee denn knup kon lösmaakn,  zol heerser oawer Azië wörn (volgens het Orakel van Delphi).  Wat, dach Alexander, dat wil ik wa wörn! En met eenn houw van zien zwaard ontwarrn hee den knup. En eawn later, noar un paar veeldslaangn  zo hier en daor, was hee heerser van Azië.
Zo har ik vanoand las van un Waterhooksen knup.De rikkinge höng van roestig takkedroad, dröaks, betonmattn en gaas an mekaar. En ik mear wosseln um het lös te kriengn. Het Orakel van Eawersdiek (de vrouwe) harre èzeg dat ik dan heerser van Waterhook zolle wörn. Het is mie dan ok èlukt um de boele oet mekaar te kriengn. Neet met het zwaard mear met de knieptange. En no mear wachen op de volgende veeldslaangn. Ik zalle de knieptange en combinatietange  al vaste kloar lengn…

IMG_20160906_184533

3 september 2016 – Openluchtmuseum

Vandage haw het joarlijkse oetstapje van de fotoclub. Dit joar bi’w noar het Openluchtmuseum in Arnhem èwes.  Ik bin er al een paar keer eerder èwes mear ik veen het aaltied nog machtig interessant um te zeen hoe vrooger het leawn van allen dag er oet zag. Elke strekke har bievuurbeeld ziene eengste bouwstijl van huuze. Dat besteet no helaas neet mear. Alles is eenn pot nat èwörn…

3 september 2016 c

3 september 2016 b

IMG_2936

3 september 2016 a

2 september 2016 – Rituele kasboomverbranding

Vandage he’w het oole hoes leag èruumd, zodat het èsloopt kan worn. Wat bràànn kon, he’w in op un grootn hoop ègooid en in de fik èstökn (illegaal Glimlach). Doar lean ok nog twee kasbeume van hoolt die’k in mekaar harre knutseld. Dizze gungn der ok op, wat het onderstoande plaatje opleawern.  Bes wàl appat.

2 september 2016