31 mei 2019 – Offegaasd

Un’n hof he’k trechte! Het gaas he’k ter vandage ummedoan, dus doar kan gennen hazen of knie mear bie komn. En nò mear wachen op de superoogsten van de eapeln, roo beetn, sloat, venkel, spinazie en ehmmm…. (bi’k wier un greunte vergettn).

31 mei 2019

28 mei 2019 – Ni’je vormen

Het ni’jste van het ní’jste zeej hier. En ik komme der elken waarkdag langs. Un moderne oawerkappinge bie Hoog Catarijne in Utrecht. Appat um te zeen. Ik veene alleanig dat het neet good anslöt bie de gebouwn in de buurte (zoas het kantoor van Ziggo op de achtergroond). Meer ja, oawer smaak ma’j neet twistn…

29 mei 2019

26 mei 2019 – Ni’je natuur

Vanmiddag un stukn èleupn duurn achtertuin ofwàl het Reggedal. Ie könt het bie oons vanoet de kamer precies zeen, mear het is ok mooi um der un keer duur hen te loopn. He’j un iets aandere blik op wat er de ofgeloopn tied allemoal is veraanderd (en woerumme de waterschapsbelasting wier omhooge geet)

26 mei 2019

24 mei 2019 – Trekfie

Zeet ès an, hier he’j un earsen trekfie, ofwel un selfie met un trekker. Het begin van un ni’je rage in Nederland?
Ik deanke dat dit in de Randstad (Leiden en omstreken) gennen hogen vluch neamp (weinig trekkers), mear ach, doarumme het het ok de Randstad, gelegen an’n raand van het oosten…
 24 mei 2019