9 december 2019–Kasboom en tevredenheid
Bie oons, bie de NS hebt ze un wàl un héééééél mooin grootn kasboom in de hal stoan. Volgens mie is de grötte van un kasboom recht evenredig met de groei in het reizigersvoer en de tevredenheid van de reizigers. Binne beni’jd of un kasboom volgend jaor nog wà’l in de hal pas umdat ik dan ok un volledig joar bie de NS binne….(of zol het dan juust un klein armetierig beumpke wean?).
8 december 2019 – Kaant en glad um’t hoes
Op’n zeundag heurt het kaant en glad te wean um’t hoes. Vandoar da’k gistern al het oetmeaisel oet’n tuin bie mekaar hebbe haarkt tot een’n grootn hoop. Qua voedingswaarde zit in het oetmeaisel neet zo völle in, mear dat wördt wier vollop good emaakt duur het ruwe celstofgehalte en de structuur. Kearl, kearl, wat’n bes spul he’k toch wier! Binne alleanig bange da’k un enigsen binne den dat wet…
7 december 2019 – En nog un greun blaadje
Het is mear good da’w hier gen sikke in de weide hebt loopn. Want he’j sikke, dan he’j ok un bok. En un bok (met name de ooln) lust wàl geane un greun blaadje. En da’n ha’k dizzen foto neet mear könn maakn. Want hier steet nog steeds un greun blaadje op (van’n appelboom met ziene geweldige opbrengsten)…En dat haddn alle leazers van dizzen blog dan e’mist. En dat wo’k oe neet onthooln…
