Maand: januari 2020

Op de Neude in Utrecht steet un appat beeld  van un haazen. Dizzen haazen is namelijks offebeeld as un deanker. He zit in dezelfde pose as het beroemde beeld van Rodin: “Le penseur” (un deanker). Un officieeln titel van dit beeld op de Neude is “Thinker on a rock”. In het plat zo’k dit eerder neumn as “un haazen op un kloetn zaand”. Oawer de achtergroondn van dizzen haazen köj leazen  in dit artikel.

Vandage he’w ofscheid ènömn van oonze kersster. He hef het lange volleheuln, mear het was nò ech tied datte mos goan. Poasken steet er an te komm, ik zagge namelijk de eerste poaseikes àl bie Albert Heiijn in’n weenkel lingn. En dan is ter natuurlijk gen plek meer in de herberg vuur een alleenstaande kerstster. Ik heb hem doarumme mear onder plechtig gezang noar het plantenasiel (ofwel un greunn bak) in de schuure èbrach.  En as herinnering dizzen foto èmaakt.…

 

Wat is oonze voiture wier lekker smerig èwörn op de Duutse autobahnen. He zag ter nog zo mooi glemmend oet toe’w vuurige wekke vertrökkn op vakaansie. Mear ja, alles is an bedaarv onderheavig, dus ook oonzen auto… Het verveelende is dat zwatte haande kriengt aj de achterkleppe wilt losdoon. En eawn later he’j dan den pröttel wier in de klere zittn. En doar wo’w dan neet blie van. Dus vanwekke mear un keer duur de wasbahn hen veur. Fahn, fahn, dürch die wassebahn…. Ik voel inspiratie opkomen.

Er komt een konijn bij de bakker en vraagt: ‘Bakker, heeft u ook worteltjestaart?’ ‘Nee, het spijt me,’ zegt de bakker, ‘worteltjestaart heb ik niet.’ De volgende dag komt het konijn weer langs en vraagt: ‘Bakker, heeft u worteltjestaart?’ ‘Nee,’ zegt de bakker, ‘worteltjestaart heb ik niet.’ Elke dag komt het konijn om worteltjestaart zeuren, en de bakker wordt het zo zat dat hij een worteltjestaart bakt. Als de volgende dag het konijn weer langskomt, vraagt ‘ie: ‘Bakker, heeft u worteltjestaart?’ ‘Ja,’ zegt de bakker. Zegt het konijn: ‘Vies he?’

Ie kent het sprekwoord wàl “As de katte van hoes is, daanst de muuze op de toafel”. In dit geval geet het om un buizerd en een hooltdoewe. Wie warn eene wekke weg en direct hef un buizerd un hooltdoewe te groazen ènömn in’n tuin vlak bie ‘t hoes. Hee har kloarbliekelijk heel good in de gaatn da’w der neet warn. Dat har de holtdoewe dus neet…
Wat rest bint alleanig nog mear de veern. Dat harre toch ok wàl könn opruumn?

Net as in Twente he’j hier in de Montafon ok allerlei locale gerechen, zoas un dreug wösje wat ze hier un Landjäger neumt of un borrel den hier obstler wordt ëneumd. Mear un eangsten locaaln wien, zoas wie den zoern wien van Aolbus hebt, hebt ze hier nog neet. Bange vuur overweldigende successen? Bange dat de glooiende pistes mut wörn oppeofferd an strakke wienveeldn?  Zonne vaart zalt hier nog neet loopn. (dat deer het bie oons ok neet…).
Mear wat ze hier wàl  hebt is zoere keaze! Op zien Montafoons het dat “Sura Kees”. Lekker op de stoete of gewoon oet het vuusje bie un obstler.  En miskien (idee!) ko’w dat wàl combineern met den zoern wien van Aolbus? Dan kriej un hele zoere combinatie, the best of both worlds!
Miene kinnebakn begint zich nò àl onrustig samen te trekken, in ofwachting van dat zoere spul…

Het was vandage wier knap mistig. Althans, in Riessen. Hier in de Montafon was het geweldig mooi weer: zunne en strak blauwe loch. Ideaal skiweer! En wat leawt wie dan wier ontzettend met met de leu in Twente 🙂

Zo’aj könt zeen is het absoluut neet drok op de pistes. Wie hebt alle ruumte um te manouvreern op de lange lattn. En doar bi’w dan ok van neenge tot half veere drok met.

Met de après ski ofwàl noa ‘t skiën is’ter niks zo lekker dan eawn wat dreekn en wat etn. En as rasechte Twentenaren doo’w dat natuurlijk met un stukn keaze, un stukn dreuge wos, un pilsje en un Oosterieksen schnapps. Het mut ja neet te gek wörn. Neet vuur niks zengt wie “doot mear gewoon, dan doo’j  àl gek genog”. En die oliewn dan? Tja, smangs mu ook neet te bange wean! 🙂

Het is vandage dus Blue Monday, mear bie oons in Oosteriek köj het better Weißer Montag neumn. Het gaf vandage namelijk un strak blaue loch met un lekker zunke, wittn snèè, en dan ok nog een lekker pilsje der bie. Niks gen trieste grauwe depressieve januari lochen zoas in Nederlaand, mear wie harn un optimistisch zunke met doarachter de verwachting dat der nog heel völle van dizze dage komt. In elk geval dizze wekke wàl, volgens de Wettervorhersage op ORF 2 🙂 . Dus wie sloat un depressieven deenkseldag van morn ok mear oawer (en noar un paar van die gleaskes beer bi’k ze ok helemoal vergettn…).

Het was vandage un griezen sneeuwachtigen dag, en doarumme he’w beslöttn um neet te goan skiën. Ie zeet immers heel weinig en un snee is oaweral eewn wit. Iet zeet gen deepte meer.  Volgens de webcam was het ok knap mistig op de pistes. Vuur da’j weet zit ie opeens op de zwatte piste en dendere ie met un rotgaank noar daaltn, neet èheenderd duur enige vorm van techniek en snelheidsbeperking. De wereldkampioenschapn ‘ Afdaling’ bint er dan niks bie. Um dat te vuurkomn bi’w vandage mear in het dal èbleawn. Wie munt de hele wekke nog en hooft oonze krachen neet direct op un eersen dag te verspiln.

Doarumme vandage mear un kwis: Wat bint de verschilln tussen een foto van vanmorn en den van gistern? Dit oonder het motto “Zeuk de plaatjes en kluur de verschilln” (of iets dergelijks). Oawer un oetslag wordt neet gecorrespondeerd…