11 augustus 2014 – Gàànzen

Ik wasse vanoangd eawn in een àànder stuk ni’je natuur, namelijk in’n Beushook (teangoawer Mottnkotter, achter Hinnjan)  bie un ni’jn waterbuffer “De Dakhorst”. Net toen ik ankwamme vleungn der wat gàànzen weg. Ik konne ze nog net op’n foto zettn. Want àànders wàn de vogels gevlogen…

11 augustus 2014

Eén antwoord op “11 augustus 2014 – Gàànzen”

  1. Dag, Henk, efkes reageren, alle foto’s zeent de möaite van het reageren weard mear dee gaanzen neugt miej um d’r wat kaanttekeningen biej te maken. Mooie foto; trouwens, meujlijk um de deers in de vloch te treffen…

    Gaanzen, in Eanter hef Mans van Ab vasn Gediene oet ’n Diek het oawer “gozeldag”, = woensdag, dewiel in Riessen ekuijerd wordt oawer “gozendag” ook zee’j mangs “goojndag”. Ooit kreeg ik van de kleandochter van measter Prakken (hier ooit skoolhoofd van de Openboare skole) een klean notitiebeuken, met op het umslag “Geese”. Dat har de femileie an etröffen in het hoes dat measter Prakken ekoch har, (now steet doar de garage van de AVIA-poompe) Het was doarvuur van de famlie Van Wijn gaarden ewès, en doar huerden ook Arend Jan Leestemaker biej. En den Arend Jan Leestemaker (de zönne van het befaamde schoolhoofd Leestemaker, in Eanter ekömmen in 1823), was een zetje vennoot van ene van de hearen ter Horst (Trös) en den har zin kapitaal later estökken in de gaanzenhaandel. In dat beuksken noteerden hee de kosten van graan, van telegrammen noar Engelaand, enz, enz, ook met engels wöare (oats, geese, het meervouw van gaanzen. Enkelvoud goose. Vandoar het woord gozendag, want viej zeent angelsaksisch in oonze sproake. De Eantersen schrieft vake gàànzen, mear het kleenkt nog better a’j goazen schrieft. In het fotobook van Mr. Ter Kuile steet ne mooie foto van nen machtigen trop goanzen, (viej zengt in Riessen trouwens gaanzen)

    En dat fotobook kö’j veenden op de site van Oudheidkamer Twente. Een dik book met prachtige foto’s duur heel Twene hèn. Ze konden toen, analoog ook al bassend good foto’s maken!

    Goat dom verdan met dee mooie foto’s en goodgoan!

    Gerrit Kraa

Geef een reactie

Het e-mailadres wordt niet gepubliceerd. Vereiste velden zijn gemarkeerd met *