In de kràànte (un Almelòòsen) stun vandage un heel stukke oawer streekromans in Oaweriessel. Streekromans wordt in dizze tied steeds meender èleazen umdat ter te weinig in gebuurt. In dizze tied wult de leu mear spektakel, spanning en sensatie, en dat he’j nò eenmoal neet in de streekromans. Zo wordt un bekeand auteur as Gerrit Kraa beskreawn as iemand die teangn et literaire anskrif, mear tegeliekertied wordt ziene beuke as “braafjes” umskreawn!
Dus at de streekroman will oawerleawn mut er vanof nò wat meer spanning en sensatie inkomn. Wat dach ie van van de volgende titels:
“Vieftig teentn boerngreun” , un roman owaer de weele hartstochen op het plattelàànd
”De Belcampo Code”, un spannenden thriller oawer verbörgen codes in’t örgel van de Scheeldkaarke in Riessen
”De Knolle en het liek in de gruppe”, un politieroman oawer inspecteur De Knolle, den un roadselachtigen moord op un vriejgezelln boer in ‘n Waterhook op mut lössen
”In’n naam van ‘n dahlia”, un historischen detective owaer poaters die mekaar de köppe inslaot in het klooster van’n Kloosterhook.
”10 Kleine Bingn”, un roman oawer meerdere moorden op un vakàànsieboerderieje in’t Ypelo. Dit is un roman van un beroemden skriefer Janna van’n Toetn (wat ongetwiefeld wier un pseudoniem is).
En zo kààn’k nog wàl eawn vedan goan…
