13 april 2014 – Gotiek oet Riessen?

En woe steet dit prachtige gebouw met ziene gotische kenmaarkn? Völle en hoge roetn, prachtige welvingen in het dak, un klein teurntje met un koepeltje? Dat kan natuurlijk allènig mear in Riessen stoan met alle ziene kaarkn. En feitelijks “representeert” dit gebouw de kaarke van dizze tied. Want in dit gebouw wordt èregeld wa’j zeet en wa’j heurd, net zo as vrogger in de Middeleeuwen in de kaarkn het geval was. Doar gung ie toen hen um het leste nieuws te heurn. In dizze kaarke wordt er juust vuur èzorgd da’j naarns mear hen hoowt en da’j het leste nieuws automatisch in hoes kriengnt. Zoln doarumme de kaarkn in Nederlàànd leugloopn? Niks nieuws mear te heurn?

13 april 2014

Ps. Dit is dus het kantoogebouw van Reggefiber in Riessen. Op zundag he’k dizzen foto èmaakt umdat het doar dan juust absoluut neet drok is, onderwiel  het dan wà bie de kaarkn in Riessen good drok is…

Geef een reactie

Het e-mailadres wordt niet gepubliceerd. Vereiste velden zijn gemarkeerd met *