In de achteende eeuw is er in Meißen een grote porcelein industrie oppèzet. Un hertog van Meißen was er helemoal gek van, en umdat het neet lukn um goold te maakn, besleut è mear oawer te schakeln op porcelein. Dit wörn het witte goold èneumd en was biezeunder deur. Al het porcelein kwam in die tied oet China en het was nog niemand in Europa èlukt um zelf porcelein te maakn. Mear noa völle geknooi lukn het un hertog um porcelein te maakn en weldra was zien hele kasteel innèricht as porceleinfabriek. De zaakn dreein biezeunders good, want iedereene den un betje geeld hà, wol dit porcelein in de kaste hemn stoan. Milln achteenhunderd wörn het kasteel te klein en is er un speciale fabriek vuur èbouwd op un ààndere stea. Het kasteel hebt ze doarnoa groondig restaureerd umdat het kompleet oetèwoond was. Dat is aardig èlukt want wie kwamn der zelfs nog un antieke dreugkappe teangn den was gebroekt duur de hertogin van Meißen! Het was wà un stevig model, mear dat haj vrogger ok wà neurig met al die pruukn en permanentjes…
