Ik zagge vandage in de kràànte un mooin foto van het logo van de zeeknhuuze in Almelo en Hengel. Zò’n logo is heel belangrieke en smangs wordt dan ok kapitaaln oetegeawn um un logo te bedeankn of te verbettern. Het meest trieste geval is dat van de gemeente Amsterdam. Zie hebt 100.000 Euro oetegeawn vuur een heel kleine wijziging in eur logo. Aj good kiekt in het plaatje hieroonder, dan köj zeen wat er gebuurd is. Het ontwerpburo hef vuur het ni’je logo één keer vaker op un “Enter-knop” èdrukt. Da’s dan makkelijk geeld verdeenn vuur het ontwerpburo. Die zult no wàl un keer vaker oet ettn goan met het hele spul.
Het logo van de ZGT (Zeeknhoes Groep Tweante) döt mie deankn an Chinese teakns. Doar zol wà wier un bedoeling achterzittn den mie totaal ontgeet. Miskien steet hier wàl in het Chinees da’j snel better munt wörn aj wordt oppenömn? Ik weet het neet. Ik vroage mie nò wàl of hoevelle dit loge hef èkost…
