Dresden wordt ok wà het Florence an de Elbe èneumd, en aj hier roondloopt köj dat ok wà begriepn. August de Sterke, doar hej um wier, wol van ziene hoofdstad un stad maakn den zien gelijke neet har in Europa. Het ene mooie gebouw noa het ààndere wõrn der duur hem neerèzet. Helaas is Dresden in’n oorlog compleet plattegooid en offèbràànd. Mear de ofgeloopn joarn (noa de Wende) is er geweldig investeerd in de restauratie van de oole binnstad met as mooiste vuurbeeld de Frauenkirche. Den is pas sinds 1995 wier oppèbouwd. De Oosduutse regering har hier gen geeld vuur en leut alles gewoon lingn noar’n oorlog. Het resultaat van de restauratie mag ter wean. Wat de Dom van Keulen is vuur de rooms-katholiekn, is de Frauenkirche vuur de Evangelischen. Behalve kaarkn bint er ok nog völle musea in Dresden met as belangrieksen het museum van de oole mèèsters in de Zwinger. Rembrandt, Hals, Rubens, zie hungn der allemoal. Te völle um in in paar uur te bekiekn.
Het was dròk dagje Dresden mear het was de meuite weard!
