Zo nò en dan duukt wie de vri’je natuur in om un stukn te wààndeln, of zoas de Duutsers dat zengt: ein bißchen spazieren. Vandage he’w èleupn in het Tharandter Wald in de buurte van Grillenburg. Het was neet ech dròk in het bos (zachjes oettedrukt), miskien dat het te hete was. De leu mangt hier gearne un stukn fleis snisteren, gezeen un naam van het pleatske.
Doar warn genog wààndelroutes te loopn woer van der ene, de Heiliger Weg, speciaal was èmaakt vuur Sinterkloas, oonzen enigsen nog leawenden heiligen. Ik deanke dat den pad neet zo dròk wordt beloopn…
‘s Oangs biw oet ettn èwes noar un Boheemsen harbaarg in de buurte umdat de zönne jeurig was. Zesteen joar à! Doar he’k un mear klein gleaske op èdreunkn…
