Zoaj bie Riessen het Hollands Schwarzwald hebt, he’j bie Dresden de Sachsische Schweiz. Alleanig is den lessen un betje deeper oettegreawn. Kloarbliekelijk zat un leem wat deeper in de groond. Rechtevoort is het één van de meuiste natuurgebiedn in Saksen. De Elbe stroomt er deepe duur wat heel mooi plaatjes opleawert.
Een idee vuur Riessen zol dan ok könn wean um de Regge un klein stukn te verlengn zodatte net as de Elbe, dwars duur het natuurgebied stroomt. En um veerder de analogie duur te trekn, Riessen met al ziene kaarkn köw dan het Florence an de Regge goan neumn met’n Skeeld as stralend middelpunt en ‘n Oosterhof met het brandweermuseum as de Zwinger.
