19 juli 2014 – Op zeuk noar Bach

Na de eerste wekke vakàànsie in Saksen, goaw vandage un stukn noar het westen, noar Thüringen. Doar hew un huuske ofwel un ferienwohnung èhuurd in Arnstadt, in de buurte van Erfurt. Arnstadt is de woonplaatse van Marcel Kittel, den bekeann wielrenner oet de Tour de France. Doarnoast lig het miln in Bachlàànd en Lutherlàànd. Luther is hier un keer henneleupn op ziene reizen duur Miln Duutslàànd (doaroawer moandag meer) en Johan Sebastiaan Bach is hier un antal joarn organist èwes in de Bachkaarke, den toen woarschijnlijk nog gen Bachkaarke heetn. Bach is hier un grootn trekpleister. Op de maark steet un groot standbeeld van hum, de kaarke is noar hum verneumd, doar wordt regelmoatig orgelconcertn van hum ègeewn en bie het moderne weenkelcentrum boetn de stad woj verwelkomd met de muziek van Bach, zodaj neet al te jachterig de boskòppn goat doon en de koare direct volsmiet met wat in de reclame is. De muziek van Bach zit ok heel klook in mekaar. Op Youtube he’k un filmpje èveundn woer dit heel mooi wordt wierègeewn. Muj mear kiekn:http://youtu.be/xUHQ2ybTejU
Oons huuske kiek oet op de oawerbliefselen van de DDR. In vrogger tiedn zat hier un brouwerieje, mear den is al un paar joar dichte. De muurn greuit làànkzaam dichte met klimop. Sloopn is te deur, dus doarumme loat ze alles stoan (net zo as bie de steenfabriek an de Maarkelseweg in Riessen).

image

image

image
image

Geef een reactie

Het e-mailadres wordt niet gepubliceerd. Vereiste velden zijn gemarkeerd met *