Vandage mooi de tied um eawn alle krààntn (un Almelòòsen zoas mie vaa zea) van ofgeloopn wekke duur te nemn. Kiekn of ter nog schokkende dinge in de buurte bint gebuurd, zoas un oondergàànk van Vliegveld Twente ofwel Twente Airport.
Het meeste internationale nieuws he’w wàl met èkreangn umdaw de “tablette” met hadn op vakàànsie. En met wifi in het huuske bliew ie dan neet achter met het nieuws (op het huuske haw gen wifi). Mear de achtergroondn wi’k aaltied wàl eawn op papier leazen, vandoar den grootn stapel krààntn op’n foto.
Un TTF (Twents Taal Feitje): In het platte gebroek ik ni’js en nieuws terwiel dit in het Nederlàànds hetzelfde is: “Het nieuws van 8 uur kiek ik a’k wat ni’js wille weatn”.
