20 juli 2014 – Un örgel op wieln

In Nederlàànd hej mobiele örgels in de vorm van dreajörgel, in Duutslàànd stopt ze gewoon un kaarkörgel in un anhanger en goat ze der met toern. In Thüringen hej namelijk un zogenaamden Thüringer Orgelsommer, woerbie in heel Thuringen örgelconcertn wordt ègeewn met oonder àànder muziek van Bach. Vandage was er un concert in un oolde ruine van un klooster, en doar wörn het mobiele örgel vuur gebroekt. Het mòs wà good wörn estemd, umdat de akoestiek nog neet al te good was (ie hebt weinig muurn in de ruïne) mear het geheel kleunk good. Wat mie teengnvöl was dat de koppeling tusken de toetsen en het örgel nog via un stròòmdroad verleup. Ik hà verwach dat dit minstens via bluetooth of Wifi zòl goan. Gwoon un kwestie van plug and play! Of zòl het örgel nog neet DLNA gecertificeerd wean?
Op de henweg kwamn wie nog duur un pleatske hen woer nog neet alles was restaureerd. Zo kreew un indruk hoe de huuze der oet zaggen ten tiede van de DDR.

image
image

Geef een reactie

Het e-mailadres wordt niet gepubliceerd. Vereiste velden zijn gemarkeerd met *