20 juni 2014 – Open dag

Vandage haw un open dag op het ni’je bedrief van de oole buurn. Kearl, kearl, wat ‘n volk kwam der op of. Doar was wàh mèèr dan doezend man èwes. Natuurlijk kwämn dur ok heel völle boern die woln kiekn noar de leste snufjes op veehouderijgebied. En die ko’j hier zeen! Het is un compleet èrobotiseerd bedrief! De beeste wördt èmölkn met ne robot en zie wordt ok nog èvoord duur un robot. Nog eawn en ie hebt helemoal genne boer meer neurig op dizze bedrieve want dan wordt alles duur robots èdoan. Dan loopt er alleanig mear Archie’s roond, de man van staal. Archie was un èèrsen robot den ik leern ken’n. Archie kwam vrogger vuur in de wekkelijkse editie van Sjors en Sjimmie van de rebbelenclub (miskien bekeand bie de ooldern oonder oe? Glimlach). Archie hef kloarbliekelijk deepe indruk op me èmaakt want àànders zò’k het nò neet meer weatn.
Miskien köw wà un ni’je strip van Archie oetgeawn met as titel “Archie, de man van staal leert melken”. Ik wolle neet gearne de koe wean den hier het slachtoffer van wörn…

20 juni 2014 b.jpg

20 juni 2014

20 juni 2014 c

Geef een reactie

Het e-mailadres wordt niet gepubliceerd. Vereiste velden zijn gemarkeerd met *