Ik hà vanmorn un rondje hardèleupn langs de Regge a.k.a de Bekke (oawer het ni’je fietspad) en doar zag ik bie de Wisselmoat (teangoawer de Voele Moat 
) un heel mooi veeldje met rooie klaproozen stoan. Ideaal vuur’n foto van de dag. Mooi klaprozen tusken ààndere gelle bloomn, woer ik un naam neet van wuss. Mear ja, ie weet hoe dat geet, het koomp ter neet direct van, ie stelt het oet tot ‘s middaangs. Oeteindelijk mò’k ‘s oangs un foto nog maakn (en dat oonderwiel ik wusse da’k ‘s morns het meuiste lech harre). Dus ik pakn noa het oangdettn het fototoestel en jaang dur gaauw eawn hen um den foto te maakn. Wat blik, alle mooie klaprozen wàrn weg! Doar hà iemand hetzelfde dach en is doar drok goan plukn. Den was duur dat heele veeld hen èbanjerd. Ik wazze neet ech blie…
Vandoar mear dizzen foto van de margrietn, die ter nog volop stunn. Kloarbliekelijk was doar weinig interesse vuur.
Wus ie trouwens dat de naam “Margriet” oet het Babylonisch (via het oold Grieks) koomp en “parel” beteaknt?
Jammer van dee klaprozen; aj ze plukt valt ze heel snel of. Det dut den ondog nit wier (en misskien warn’t wa wichter…)