21 augustus 2014 – Loezemeelte

Ik was vanmiddag bezig um al het roet oet de groond te roppn (wat kàan’k dat wier netjes zengn…) wat tusken de ni’je beumkes van’n hooltwal greuin. Het roet was op sommige steas nog heuger dan de beumkes en ie zaggen de beumkes neet mear terugge tusken al dat roet. Vuural de loezenmeelte was hard ègreuid, sommigen wàrn àl net zo làànk as mie!
Nò veen ik loezenmeelte een appatn naam en ik wösse neet hoe dizze plàànte in het Nederlàànds het. Dus dat he’k vanoangd eers oppezoch op internet. Loezemeelte het op zien Nederlàànds  “Melganzenvoet” en den naam is offeleid van de vorm van de blader die op gàànzeveute liekt.  Het “mel” gedeelte van’n naam slöt op mel umdat bie de meeste soortn van dizze plàànte het lik of de bla met mel bint bestöwn. Wus ie trouwens daj dizze plàànte ok könt ettn? Napoleon dèè het zoad duur de stoete van ziene soldoatn. Zolln ze better vechen! (miskien bie Waterloo vergetn het duur de stoete te doon?)
In het plat zengt wiele “Loezemeelte” en dat koomp wier umdat het zoad op luuze lik. Meelte (smangs zengnt ze ok wà melde) is wier offeleid van mel. Net oawer de grèènze neumt ze het trouwens Luusmell.

OLYMPUS DIGITAL CAMERA

Geef een reactie

Je e-mailadres wordt niet gepubliceerd. Vereiste velden zijn gemarkeerd met *