Zo ak zoaterdag harre skrèèwn, vandage meer oawer Luther. He hef begin 1500 võlle in dizze strekke roondetrökkn en doarumme brengt wieleu vandage un bezeuk an kasteel de Wartburg in Eisenach. Hier hef Luther in1521 ongeveer un joar “gevangn” èzetn, woerte mooi de tied hà um het Ni’je Testamèènt in het Duuts te vertaaln. Dat dere in 11 wekke! Schwere Wõrter… Ai zeet hoevõlle tied, discussie en meuite het kost om rechtervoort un ni’je vertaling of hertaling van’n Biebel oet te brengn, dan is de prestatie van Luther zeer biezeunder! In 2017 is het un speciaal Lutherjoar want dàn is het 500 joar geleadn datte zienne stellingen an de duure in Wittenberg ophõng.
Behalve van Luther en Bach is Thüringen ok bekeand vanwege ziene wõste. De echte Thüringer Rostbratwurst! Ie könt ze oawerà koopn, bie un kroam op de stroate, bie de imbiß en ok nog bie de wurstmobil! Zie smaakt trouwens “hervorragend” want zo product muj natuurlijk wà oet probeern…
Eén antwoord op “21 juli 2014 – Luthers kasteeltje”