“Kiek es an”, dach ik bie miezelf, ”wat un mooi blauwzwatte kevertjes zit er de elzenblaadjes!”. Een heeln elzenbos zat vol, dus het leak mie ok genne soort den met oettstaarven bedreigd is. Toe’k wier in hoes wasse, he’k dit gauw op’n computer oppezoch. Dat geet rechtevoort makkelijk. Ie typt bie Google “kevers” in en dan kriej plaatjes van alle soortn kevers ter wereld. Dan zeuke ie net zo lange totdaj un exemplaar hebt, wat er op lik. In dit geval blik dat het hier um het elzenhaantje geet. Dat is één van de meest vuurkommende soortn bladkevers in Nederlàànd. Meender mooi is dat ze berucht bint vanwege eure vretzoch an beume, Zie vret, met name bie elzen (mear ok bie weelgen, hazelaars en pöppels), hele blaa weg. Un boom kan’t er dan knap zoer met kriengn. Bint het de kevers neet de blaa opet, dan doot het de larven wà van dizze kevers. Dubbelop dus.
A’k de kommende tied die mooie kevers wier zee in de elzen dan zak ze der mooi oetschudn. Zie könt het schudn…
