Het waterschap Vechtstromen (vuurhen heetn dit gewoon Regge en Dinkel, mear doar mos gefuseerd worn met het waterschap Velt en Vecht umdat er dan nòg efficiënter konn worn èwaarkt 
) hef in ziene oneindige wiesheid bedach dat er vistrappn monn komn in’n Eantergraawn en in’n Elsgraawn. Dut umdat de grote antalln viske (ik schatte un getal onder de tiene) die hier vuurkomt dan ok teagn stroom in könt zwemn zodat ze noar eur paaigebieden in het Eanterbrook könt.
Teangnoawer oons hebt ze ok un klein visträpke maakt. Hier bint ze zowat dree moand met bezig èwes. Dach ie dat het kloar was, dan zag ie ze un volgenden dag het spul wier opni’js ofbrekn en oetgreawn umdat dur kloarbliekelijk iets neet good was ègoan. Kortom, het heul dur nog wàl vuur! Un annemmer was ter naa wies met!
Mear oeteindelijk is het hele spul kloar èkömn en oppeleawerd. Nò mear kiekn hoevelle viske hiervan gebroek maakt! Ik deanke aj de bouwkossen teang de visken die hiervan gebroek maakt, oetzet, da’j dan un aardig hoog bedrag per vis kriengt. Ie zolln vuur dat zelfde totaalbedrag de hele Eanterse bevolking un viske (of meer) könn geawn. Mear het geet zoas Heijermans in 1900 àl skreef in “Van Hoop op Zegen”: “De vis wodt deù betaald”.
Eén antwoord op “3 meart – De vis wodt deù betaald”