Wie hebt tiedelijk wat extra bewoners in’t hoes. Un antal wepsn heft beslötn um un nös te maken in de spouwmure. Zie kroept via un klein geatje nöast het raam de spouwmure in en bouwt zich doar een alleraardigst gassenverblief. Het lik wà un soort bed & breakfast, mear dan zoonder inkomsten vuur oons…
Dus ik heb teangnmoatregeln ènömn. Mie vaa bràànn vrogger het wepsennös oet (in de kàànte van’n slòòt), mear doar begin ik meer neet an. Dan vlög het hele hoes nog in de fik. Dit gebuurn les nog in Hoofddorp. Ik heb doarumme wat poeier èhaald wa’k in het nös murre spuitn. Het beste köj dit `s oangs dòò at de wepsen rustig bint umda’j àànders de kààns hebt dat ze achter oe an komt (dan loope ie natuurlijk wà recordtiedn op de 100 meter). Dus nò mear ofwachen hoe de bed & breakfast zich de kommende dage ontwikkelt.
