5 juni 2014 – Mooi en giftig

Vingerhoedskruud (Latien: Digitalis purpurea) is een plàànte den vake in siertuinen gebroekt wordt. Zo stoat dizze exemplaarn bie mie in’n hof. Nè plàànte kan vake meer as neengtig bloomn hemn en doezenden zöadjes. Hee zeejt zich dan ok aaltied oet. Umdat het tweejeurige plàànte is, mu’j dus neet aaltied alles wegskoffeln in de buurte, want àànders he’j de kommende joarn niks meer te bleuin in tuin.
Dizze plàànte is zwoar giftig! Doar zit digoxine in de blààn van de plàànte. Dit wörn vrogger gebroekt bie de behandeling van bepoalde hartritmestoornissen. Symptoomn van vingerhoedskruudvergiftiging bint een lege polsslag, misselijkheid, spiejn, en ongecoördineerde samentrekkinge van verschillende delen van ‘t herte, dat uuteindelijk leit tot hartstilstàànd en de dood.
Oetkiekn dus in’n hof aj an skoffeln bint in de buurte van dizze plàànte…

5 juni 2014

Geef een reactie

Het e-mailadres wordt niet gepubliceerd. Vereiste velden zijn gemarkeerd met *