Ai rechtervoort trouwt, un kleinn kriegnt of vieftig wordt, dan wordt heel vake van die onmeunige opbloasbare poppe bie oe vuur’t hoes èzet. Ik veene ze neet mooi en zie maakt ok nog un hoop kabaal umdat un motor mut loopn um de poppn op un goein lochdruk te hooln. Ie lingt er un heeln nach van wakker.
Dan köj better dizze poppn vuurt hoes hemn stoan. Zie valt op, maakt gen lawaai, kost gen stroom, zie bint groot, en ok nog grappig. Um in termen van dizze tied te sprekkn: zie bint duurzaam en innovatief! Noa ofloop van de feestelijkheden haal ie ze oet mekaar en voor ie ze op an de kniene, sikke of beeste. Schealt oe wier in voor bestelln! Dit leste is vuural van toepassing aj trouwt, want dan hej der twee poppn stoan.
