5 september 2014 – Un raar geluud

Ofgelòòpn tied heurn wie smangs  un  zach piepnd en krassend geluud geluud aw ‘s oangs noar de tillevisie keakn. Het rare was dat dit geluud neet van de tillevisie kwam, mear het leak wàl of het van boetn kwam. A’k dan duur de roete noar boetn keake, kòònk niks zeen wat dit geluud veroorzaakn. Het zol toch gen ongedeerte wean wat in de spouwmure zat? Un soort boktor wat làànkzaam het hele hoes opvret? Zodat, ai un keer de duure hard dichtetrekt, het hele hoes in mekaa zakt?
Gelukkig völ dit allemoal met, want het bleak dat de veroorzaker un slakke was den làànkzaam teangn de roete omhoge klum. Zien huuske kwam teangn de roete an en maakn doarbie het krassende geluud. Dus zo könt slakkn ok nog geluud maakn!

5 september 2014

Geef een reactie

Het e-mailadres wordt niet gepubliceerd. Vereiste velden zijn gemarkeerd met *