De resultaatn van de potgroondactie wörn vandage in de kaarke bekendèmaakt. De totale opbrengst was € 3100,- woervan de helfte wordt oawerèmaakt naar de stichting Sanyuka van Wim Getkate oet Eanter den in Oeganda woont. De ààndere helfte is vuur het jeugdwerk van de kaarke in Eanter. De stichting Sanyuka gef ondermeer vuurlichting aan de Oegandeze boern oawer het hooln van biejn.
Al met al is het een heel good resultaat vuur’n heel good doel. Ik verwache dan ok dat dizzen zommer de bloomn en plààntn in Eanter het mirakels zult doon op dizze potgroond. En dat is ok wier good vuur de Nederlààndse biejn, die ongetwiefeld hier un opkikker van zult kriengn. Niks gen misterieuze biejnstaarfte mear in Nederlàànd, mear un misterieuze biejnploage in Eanter. En wieleu weet woer het vandan koomp. Waart oe!
