De oole buurn, die trouwens neet zo oold bint, bint met ooldjoar verhuusd. Mear zie hebt neet alles mettènömn noar de nieje boerderieje. Dizze oole zeeimachiene hebt ze achterèloatn. Het steet nò te koop op Marktplaats, mear moch ie dat nog neet èzeen hemn en kan’t oe nog van pas komn, dan muj mear eawn reageern. Vuurn klein bedrag bi’j dan eigenaar van dizze prachtige ootentieke zeeimachiene. Het döt het aaltied good op het gazon. Moch ie het apparaat te “saai” veendn, de vrouwe kan der zo un paar afrikaantjes, salvia’s of petunia’s inpottn vuur wat extra fluurigheid. Kiek en dan he’j un win-win-win-win situatie! De oole buurn bli’j umdat ze dur van of bint, ikke bli’j umdak het hebbe verkoch, ie bli’j umdaj zònne gloepens mooie machiene hebt èkoch vuur weinig geeld en as leste de vrouwe bli’j umdat ze eindelijk wier wat afrikaantjes, salvia’s en petunia’s kan pottn. En dat met zò oold apparaat!
