Behalve in Nederlàànd stoat er in Duutslàànd weendmölns. Ie zeet er heel völle aj op de autobahn jaangt op weg noar Oostenriek, mear dat bint dan van die grote moderne gevaln. Mear het kan ok àànders, Dit öldere exemplaar tröf ik an in de buurte van Borken. in het pleatkse Weseke (achter Weenterswiek). Het apatte an dizze mölle is datte hier nog gen joar steet. Hee is hier vanoet Saksen en Beiern terechte kömn. Dit joar isse hier pas beginn te dreein. Het is un zogenaamde bokweendmölle, ofwel un standerdmölle, net zoas de Wissinksmölle in Eanske. Zolln ze’m hier hem neerezet in het kader van de energiewende? Alles wat kan dreein mut dreein, um zo energie op te wekkn? Dan steet ons in Nederlàànd nog wat te wachen met de weendmölns! Alhoewel ik veene dat dizze mölle völle better in het landschap steet dan die moderne hoge möln. Miskien köw minister Kamp nog wàl ummekuirn…
