Vandage bi’w noar un themadiens in de Nijverdalse kaarke èwes. Het thema van’n kaarkdiens was “Der Weg” (n.a.v. un lied van Herbert Grönemeyer). Het was un musicaaln diens want doar wörn völle bekeane liedjes èspölt die allemoal betrekking hadn op dit thema. As band ha’w de Elvisband. Wat konn die geweldig spöln! Vuural het leste lied “With a little help from my Friend” van Joe Cocker spöln ze formidabel. Wa’k alleanig missen warn die bekeande rauwe oethaaln van Joe Cocker en het enigzins “spastische” hen en wier beweagn. Noa dit leste liedje gung der un zuch van teleurstelling duur de kaarke hen umdat het was offeleupn. Dat heur ie àànders neet zo völle bie un normaaln diens in de kaarke…. Toch mear het orgel en de psalmen/gezangen vervangn duur wat modernere hedendaagse varianten?
