Hieroonder zeej het station van Riessen. Dit is het enige oole gebouw wat hier nog in de buurte steet. Vanwekke hebt ze hier net een àànder oold hoes èsloopt. Dat mos weg umdat hier een Albert Heijn mut kommn te stoan. Doar was hier een staarke behoefte an un gröttern AH-weenkel. Dus wat gebuurn der, de vooruitgang roept, dale met het oole spul….
Op de stea woer nò de Albert Heijn steet mag genne ààndere supermarkt mear kommn, want een “onafhankelijk” oonderzeuk (gesponsord duur de Albert Heijn zelf) hef oetteweazen dat er in Riessen genog supermarkten bint. Doar mos is concurrentie kommn…
Een vuuroetgàànk köj ok zeen an dat prachtige veerkaàànte blok an de leenkerkàànte van het station. Een puur architectonisch woonder. Vrogger stön doar un mooi oold hotel Tijhuis. Helaas mos dat er ok of vanwege de grote behoefte an veerkàànte appartementblökke in Riessen. En loa’k mear neet oawer het oolde stadhuus van Riessen beginn dat er ok of mos vanwege ‘n vuuroetgàànk. Of un oold notariskantoor in de weenkelstraote dat er twee joar geleane of mos umdat er grote behoefte was an mear weenkels…
Nee, un vuuroetgàànk is ech neet aaltied better as stilstàànd
