Bie de buurn brekt ze het oole hoes of. Vandage hebt ze der de pann offehaald. Dat gung in een lekker snel tempo met een soort glieplàànke woerop de pann noar beneen konn glieen. An’n eane van’n dag warn dan ok àl alle pann of!
Nò der alle pann off bint, köw ok mooi zeen woer de steenmarters hebt èzötn. Oaweràl woe’j de zwatte pieln op’n foto zeet harrn ze un nös èmaakt of voor verstopt. Zelfs hoge in’n nok veun’n de pannkeals nog eanneier! Un oondersen foto löt zeen dat ze heel wat drèètn. Grote heupe learn der. Steen marters bint wat dat betreft nog wàl hygienisch, zie gebroekt aaltied un vaste stea as latrine.
Zie munt nò mear op zeuk noar un ààndere woonruumte. Ik hoppe dat ze dat un goein eane oet oonze buurte veend. Miskien (hoppelijk) richting Westen des lands, zodat ze doar ok kont vernemn wat vuur plezeer da’j van dizze “beschermde” diersoort könt hemn…