Vandage is’t Hemmelvoart, en wat dooj dan? Juust, dauwtrappn! Vrogger dean ze dat loopnd, doarnoa met de fietse, mear rechtevoort dut het hoaste niemand meer. Un eersen foto he’k vanmorn op de fietse èmaakt toe’k noar de kaarke gung. Gennen eankeln ààndern fietser te zeen…
Vanmiddag (met’n auto, dat wàl) noar de country fair ofwel de plattelààndsmaarkt op de Borkeld bie Hooltn èwes. Het was in een rustieke pittoreske landelijke omgeving. Wie zaggen doar genog ooln pröttel den ze nò vintage en broqante neumt. Oole melkemmers as kachels, melkbussen met skosteenpiepn, pieteröliestelln, oole kesjes, het verkoch at het mear un ààndern naam hef. Opmaakn dut verkoopn, zoas het sprekwoord zeg.
Op de terugweg mo’w bie Riessen wachen op het allersloomste treintje wat er besteet, het leemspoer. Dat jag gelukkig alleanig mear op speciale dage, want àànders kreaw doar duur de wekke ok nog filemeldingen oawer op de radio. Wie harn gelukkig alle tied um te stopn en un foto te maakn…
