Vandage wier un ni’je variant van vleis met de kasdage. In dit geval geet het neet um de verpakking zoas bie deel 1 (“schier” oondergood) of um het vleis zelf, zoas bie deel 2 (vleis van de Aldi).
Het vleis hier spölt un ondersteunende rolle, want het oonderwaarp van dizze reclame is het parfum van Chanel. A’j dat koopt dan krie’j der woarschienlijk dizze mooie dame met de lange bene vuur niks bie. Zol oene vrouwe blie met wean…Of het is aleanig geschikt vuur vrouwn met lange bene en un kort rökn. Doar maak ie oene vrouwe ok àl neet blie met, want neet iederene zöt er eawn strak oet as het examplaar hieroonder.
Mien advies is doarmumme da’j un Chanel munt vergetn en da’j better 4711 van Boldoot könt koopn. Dat is oold en vertrouwd (zelfs mie grotmoo gebreuk het àl). Doar köj tenminste good met thoes kommn as kado vuur de kasdage. Ie loopt hier weinig risico met…
