Hoe’j het went of keert, bepaalde genen goat van va op zönne oawer. In dit specifieke geval geet het oawer de smaakgenen met betrekking tot toetjes, ofwel de zogenaamde “broene pudding met slagroom-genen”. Die bint bie oons alle twee duudelijk anwezig. Vandage, zundag, ha’w un ech zundaangs toetje en dat he’w oons good loatn smaakt. Moch ie nò deankn, woe de slagroom is, den he’w nog neet èklopt. Want at den op de pudding zit, dan is’t er gen hooln mear an. Tied um un foto te maakn he’k dan neet mear…
