Wie harn van de familie un volln emmer met stoofpearn èkreangn. Oet de Betuwe! Die köj natuurlijk neet in ene keer opetn, en doarumme bi’k nò in etappes bezig um ze noar de eeuwige stoofvelden te brengn. Vandage krea’k un boam van’n emmer in zich bie het skeln, dat gef wier hoppe… Meestal is het negatief as un boam in zich koomp, mear in dit geval is het positief. Nog mear ene etappe te goan! Ik doo ze in jampötjes, de oole weckflesken bint oons te groot. Zo vake et wie gen eapeln met peern. Met oons tween kriew dan zonne weckfleske met peern nooit op. Un boam koomp dan nooit in zich…(en dat is dan wier negatief).
