In 1993 is ter duur Steven Spielberg un met Oscars bekroonden film èmaakt oawer het leawn van Oscar Schindler. Dizzen Duutsen fabrikàànt har in’n Tween Wereldoorlog un fabriek in Krakau woer emailwaren (gen e-mail mear email) wörn èmaakt. Hee hef het leawn van 1100 Jönn oet Pooln en Tsjechoslowakije èredt duur ze op de lieste te zettn van waarknemmers in ziene fabriek. Doar moggen de Duutsers dan neet ankommn, Het was dus een dubbele rolle den Schindler hà. An de ene kàànte wasse un Duutser den profiteern van’n oorlog duur vuur weinig geeld un fabriek in bezet gebied oawer te nemn um zo zier geeld te verdeen’n. An de andere kàànte heffe het leawn van 1100 jönn èredt duur ze op de lieste van ziene fabriek te zettn.
Vandage hew ziene fabriek èzeen in Krakau met doarin un tentoonstelling oawer het leawn in Krakau in’n Tween Wereldoorlog. Indrukwekkend um te zeen! Vuur’n oorlog was ongeveer un kwart van de bevolking (250.000 leu) in Krakau Jöds, ofwel 60.000. Noarn oorlog warn der hier nog ongeveer 200 (!) van oawer. De rest was evlucht, vermoord in de gaskamers van Auschwitz of in de concentratiekáàmpn, ummekömn duur zeekte of neerèschötn in het getto van Krakau duur de Duutsers.
Noa’n middag bi’w vearder èleupn noar de vuurmalige Jödse wieke in Krakau.
Doar he’w un oole Jödse begraafplaatse met synagoge bezoch. En doar mo’w natuurlijk ok un keppeltje op. Stun oons wàh wier charmant…
Ok he’w doar nog un un kaarke bezoch woer un preekstool in de vorm van un schip was èmaakt. Un predikàànt kan dan zo ziene nettn oetgooin um wat te vangn. At het leenks niks wordt met de vangst, gooit è het net rechs oet…
As leste bi’w oet ettn èwes op de maarkt. De zönne was 17 èwörn, dus dat mos wàh wörn èvierd. Het was nog lang onrustig in Krakau den dag…
