Zo mear twee foto’s van oppestapeld materiaal. Ik heb ooit èleard met natuurkunde dat het systeem streeft noar un toostand met de hoogste entropie (zovölle meugelijk wanorde) bie un zo lèag mogelijke enthalpie (zo weinig meugelijk energieinhoold). Dit is de Tweede Hoofdwet van de Thermodynamica. Dat he’k vandage ok in de praktijk oonderveundn. Het is wàh gen thermodynamica, mear wie maalt doarumme…
Bie ‘n storm van vuurige wekke was mie un hooltstapel ummeweaid. Gevolg: chaos en wanorde in het hoolt. Un hoge entropie want al het hoolt lea kris-kras in het grös op de groond. Het hà kloarbliekelijk ok de leagste energietoestand oppezoch en dat is op de groond. Het kossen mie meuite (ik mos der wier extra energie (enthalpie) instopn) um alles wier netjes op te stapeln. De chaos wörn hierduur meender ofwel de entropie wörn wier leager. Het is mie èlukt en nò mear wachen op het volgende vuurkomn van dizze natuurkundige wet in de praktijk van het dagelijks leawn…
