De leste vloeibare margarine he’k vandage gebroekt vuur het broan. Um alles der oet te kriengn slinger ik de fleske in het roond, zodat alle maragarine, onder invloed van de centrifugaal krachen, zich opheupt bie’n dop. Doarna köj de leste resjes zo in de broadpanne spuitn. Dat leawert oonderstoanden foto op. Het vleis smaakn der, ondàànks dizze “geaccidenteerde” margarine, neet meender umme
Volgens mie is dat ne foto van ne oetgekauwden toffee met sukela d’r in.
Ok un idee… 🙂
Wat dooj toch mit dat grei oet ne flessche in de braodpan? Waorumme nich ‘n stukken goo botter gebroekn? Det smaakt ‘n maol zo good en is ok nog ‘ns vulle gezoonder dan al dat bewerkte grei. Zunde van ‘t vleisch waj dr in legt. Ze maakt de leu wies det light, en weet ik wat vuur nen onzin nog meer, vulle better is. Laot oe nich wat anpraot’n, Botter is better aj ‘t mit verstaand gebroekt.
Hallo Anny,
natuurlijk gebroekt wieleu oons gezoone boernverstàànd aw kokt en broadt. Feitelijks is alles wa’j gebroekt um te broan wàh bewaarkt. Ok de roombotter is bewaarkt! Wie gebroekt gen light-spul, want doar zit alleanig mear extra water in. Mear um aaltied roombotter te gebroekt wordt ok te völle. Dus de ene keer wat öllie en de ààndere keer wat magarine in vloeibare of vast vorm!