De leste tied bi’k dròk èwes met het maakn van un paar websites ofwel op zien Tweants ‘webstea’s’ . Un lessen was vuur de oole buurn van oons die eind 2013 bint verhuusd noar eur ni’je melkveebedrief. Dat bedrief is vuurzeen van de leste snufjes op automatiseringsgebied in de veehoolderi’je. Un melkrobot, un voorrobot en zelfs nog een kalvermelkdrinkautomaat, den de melk zelf terechte maakt vuur de kieskes. Hooj zelf gen vettigen Sprayfo te kloppn in’n emmer. Zie kriengt geregeld bezeuk oet binn’n en boetnlàànd en doarumme wolln ze gearne ne site hemn woer de bezoekers van te vuurn al op kon’n kiekn. Den he’k dus èmaakt vuur eur. Belangriek um te vermeeln op de site was dat het un femiliebedrief is. Zie doot alles zelf met zo weinig meugelijk hulpe van boetn of. Un oondersen foto gef dat good wier. Het netgeboorn kieske wordt duur eur gezamenlijk in de kruukoare èbuurt. At dat genne gezamenlijke femilieactiviteit is.
Moch ie belangstelling hemn vuur de site? Het adres is www.kempemelkvee.nl. A’j der vroangn oawer hebt, muj’t meer loatn weatn.
Mooie site en een mooi nieuw bedrijf. Dat kan natuurlijk allemaal als je moet verplaatsen, anders is het onbetaalbaar. Ik verbaas me over de intensiteit: 125 koeien en 28 ha land. Maar goed, landbouwgrond is in Twente bepaald niet goedkoop. Dat was voor ons ooit de reden om ons bedrijf in Salland – met slechte verkaveling – in Drenthe voort te zetten.