Vandage he’w oonze vouwwagen, ofwel oonzen Holtkamper Spacer tenttrailer verkoch. Doar he’w un antal mooie vakàànsies met èhad in Oostenriek en Italie. Mear de leste twee joar he’w em neet mear gebroekt en hee stun mear stof te verzameln in de schuure. Vandoar da’w beslötn hebt um te verkoopn.
Wa’k misse is het hele gedoo op de camping. Behalve het opzetn en ofbrekn (stresvolle momentn) ok het contact met de leu zoas Herr Camping Bürgermeister op de camping in Laas (leup aaltied roond op de camping en hijsen constant an ziene bokse), den professor oet Dreante den zo gearne woll kuijern of Kwak en Flupke, un heel secuur echtpaar met un onmeunigen klein’n Kip carvan woerbie de schoone aaltied bie vuurteante oetmossen.
Mear wie hebt em good verkoch an un stel oet Barneveld. Ik hoppe dat dee net zo völle wille met de vouwwagen hebt as wieleu hebt èhad.
