Eén van de dinge woer ik mie oawer kanne opweendn is dat rechtevoort alles duurzaam en ambachtelijk mut wean. Dizzen blog is vanof vandage doarumme ok duurzaam en ambachtelijk bereid. Ik wear neet wa’j oe doar precies bie vuurstelt, mear het mut liekn da’k elk woord afzonderlijk met un oole typmachiene hebbe typt woernoa ik ambachtelijk alles an mekaar hebbe plakt op un vel papier dat met behulp van un oole stencilmachine, den handmatig duur mie wordt bedeend, op het internet hebbe drukt (geupload neumt ze dat nò).
Zo ha’w vanwekke “ambachtelijke” scharrelei-bieslook salade. Ik wea neet wat hier ambachtelijk an is, want dit wordt gewoon duur een machiene bereid in een moderne saladefabriek. Ik heb nog nooit op un rommelmarkt of fair iemand het ambacht van salade maakn zeen beoefenen. Uleu wàh?
Toe’k wat nauwkeuriger het etiket gunge leazen op zeuk noar de ambachtelijke ingrediënten (
), versleuk ik mie hoaste in dizze salade. Wat zag mien ooge? Behalve 60% scharrelei zit er er ok o,2% bieslook in! Ofwel tweedoezendste van dizze salade besteet oet bieslook. En doarumme neumt ze dit scharrelei-bieslook salade… Binne beni’jd hoevölle kip der feitelijks in de kippnsoep van Albert Heijn zit. Of zol het voldoende wean datte der eawn oawer hen isse vleungn?
Nog un mooin link noar un filmpje van de Keuringsdienst van Waarde oet 2004. Ok toen was dit àh heel actueel…
I-j mot et vergelieken met moderne kunst. Aole kunst is duudelijk kunst. Dat wat Rembrandt dee met ne kwaste, dat kunt der neet völle maor hoe moderner de kunst, hoe belangrieker et verhaol daorum hen wordt. Dus a’j wat klaait met varf en et lik nargens naor, dan verzin i-j daor een mooi lolverhaol umhen en dan neumt ze et kunst. Dus met eisalade is et as met Jackson Pollock: i-j klaait maor hen, verzint daor een verhaaltjen bi-j, presenteert dat op zön maniere dat et meer lik as dat et feitelijk is en dan a’j dan mazzel hebt betaalt ze ow der een smak geld veur. 🙂
Doar he’j helemoal geliek in! Dan mu’j dit artikel eens leazen. Doar wordt hetzelfde èzeg…