Dit standbeeld steet teangnoawer het station van Deawnter woer ik van wekke twee keer bin èwes. Zo kom ie der in gen 10 joar en zo kom ie der in ene wekke twee keer. En dizze twee keer stunn ok nog helemoal lös van mekaar.
Het standbeeld stelt Marthinus Theunis (twee keer un “h”) Steyn vuur. Den ken ie natuurlijk allemoal. Toch? Ie weet wàh, den ooln president van Oranje Vrijstaat. He was van 1896 tot an 1902 president van dizze onafhàànkelijke boernstaat in wat nòh Zuud-Afrika heet. Steyn was een van de meest onverzettelijke leiders van de Boern in’n oorlog teangn de Engelsen. Hee hef hard èvöchen teangn de Engelsen (samen met de ààndere Boern oet Transvaal en Oranje Vrijstaat) , mear hef het helaas neet èwönn. In 1902 wörn de Vrede van Vereeniging èteaknd in, hoe kan het ààns, Vereeniging (un pleatske bie de Vaalrivier in Transvaal. De Boernrepubliekn Oranje Vrijstaat en Transvaal kreangn zelfbestuur in de Britse kolonie Zuud-Afrika.
Umdatte Steyn in Deawnter het Gymnasium hef bezoch (hee hef ok nog Leiden èstudeerd mar doaroawer van wekke meer) steet hier zien standbeeld. In 1922 wörn duur het zich met ‘de Afrikaners stamverwàànt veulende Nederlààndse volk’, zoas op de plaquette steet te leazen, een standbeeld vuur Marthinus Steyn oppericht.
Wus ie trouwens dat de Engelsen in Zuud-Afrika de concentratiekààmpn hebt introduceerd? Doar wörn de vrouwn en wichter van de Boern in gevangn èheuln. In totaal bint er doar een kleine 28.000 (woervan 22.000 oonder de 16 joar!) um het leawn èkömn. Doarnöast bint er ok nog 20.000 inheemse Afrikaners um het leawn èkömn in dizze káámpn. Het verlees van Boern in’n oorlog was 7.000.
Ik kan me herinneren – uit de periode dat in de naaste omgeving van Deventer woonde – dat dit beeld regelmatig is beklad door actievoerders.