Het is vandage “Dierendag” ofwel op zien Tweants “Deersdag”. Dus doarumme twee foto’s met deers in de hoofdrolle. Dizze foto’s he’k vanmorn èmaakt, toe het nog een betje mistig was.
Op’n earsen zee’j veer zwaan’n bie eur toilet maakn vuur’n dag. Dit was bie waterretentiegebied de Dakhorst a.k.a un Beushook. Zie warn der mear dròk met! Miskien nog wàh dròkker dan wie soms bint. Mear ja, zie könt natuurlijk ok neet eawn met waskelappe um het gezichte hen, zo as ik soms doo…
Op’n tween zeej wat pearde alleanig in’n mist stoan. Dizzen foto hef wàl wat.
