Vandage zaggen wie in Riessen nog echte Zwarte Pietn: good zwart, rooie lippn en mooie zwatte kruln! Niks gen Kluur Pietn of Veag Piet mear gewoon twee Zwarte Pietn. Van die hele discussie wo’k ok zo meu. Ik veene der niks discriminerends an. Loat toch gewoon loopn. At ze nò minachtend wörn behààndeld, mear niks der van. De meeste leu hebt er ontzag vuur en woeraans in eur binnste bint ze der ok nog een betje bange vuur. En ik veene het klasse (respect!) hoe ze vanaongd oawer alle daakn van de huuze munt klimn en klautern um de cadootjes duur de schorsteen noar beneen te duuwn. Ik door eu het neet noa…
En dat nog wal vuur de Hema, woar de Zwarte Pietn al es trammelant hebt ehad. Ie zeet oet de kleine wichter en kiekt natuurlijk gin Sinterklaasjournaal. Doar komt nl.de hunebed steender in vuur. Kleine keikes woar Piet drei keer met op de roetn tikt en de dure geet los. Een Piet det een betje met de tied met geet krop neet meer duurn schorsteen.
Ik wunske oe vulle kadootjes en peppernutn.
Dàànkoewàl vuur alle oene goeie weansken!
Alhoewel da’w oet de kleine wichter bint, hoolt wie oons good op de geugte van het wel en wee van Seenterkloas met ziene pietn! Volgens mie hebt de pietn in plaats van lösse steender nò un reenk van gooldsmit Lex èkreangn woer ze met op de duure tikt as ne noar binn’n wilt. Aànders verleest ze tevölle steender. En de pietn könt ok nog steeds kiezen of ze via de duure of via un schosteen noar binn’n goat. Zie bint neet verplich um via de duure te goan. Receantelijk wettnschòppelijk oonderzeuk heft oppeleawerd dat 53,4 perceant van de pietn nog steeds via un schosteen geet. En de wettnschòp hef aaltied geliek. Dat hef namelijk un àànder wettnschòppelijk oonderzeuk beweazen…