7 november 2015 – Rawhide 2.0

De kalver in de weide vuur’t hoes wörn vandage oppèhaald. Het was ofgeloopn jaor un paar keer rodeo met het vangn van de kalver. Zie vleungn dan oonder, duur en oawer ‘n droad hen. De kalver kreengn un smaak te pakkn en de vangers wörn steeds helliger umdat het neet gung zo as ze wolln. As boetnstaander mu’j der oe dan neet te völle met bemeuin umdaj àànders ook nog hellige blikke kriengnt.
Vandage gung het echter  woonderbaarlijk good. Gen gejakker  en dròkte bie het vangn mear röste. Doar vang ie de kalver better met. Net zo as ie vleengn vangt met stroop. De kalver wörn dan ok met un tevrèèn blik van’n boer offevoert in het keurkn!

7 november 2015 c

7 november 2015 e

7 november 2015 g

Eén antwoord op “7 november 2015 – Rawhide 2.0”

  1. Dag, Henk, Now, iej hebt het vanmoarn eheurd… Leu dee op Facebook stoat, mut ees noagoan woerúmme ze dat doot…

    Ik heb het idee da’j het nit doot oet greusigheaid, eksibitionisme, of zo, mear umda’j d’r wille an hebt en aanderen doarin wilt loaten delen. Dus: gewoon verdan goan!

    Mooie preake trouwens, ik mag lien dat ze d’r mear van van zuk soort domies op ’n preakstool loat goan. Benaamd vuur de jeugd.

    Doot heanig an.

    Goodgoan, Gerrit

Geef een reactie

Het e-mailadres wordt niet gepubliceerd. Vereiste velden zijn gemarkeerd met *