Vandage wa’k te enthousiast bezig. Ik mosse nog wat rekkeningn betaaln. Dit doo’k aaltied met un computer, want doar stoat alle rekkeningnummers al in. Dan hoo’k neet zovölle in te vulln. Meestal bewaar ik de betaalde acceptgiro’s nog un zetje, mear vandage he’k ze direct verschuurd noat’t betaaln. Vot is vot, dach ik. Goa’k ter ok neet mear oawer nadeankn a’k ze wier zee lingn. Dus alles mooi kapotèskuurd en in’n vuilnisbak ègooid. Opgeruimd staat netjes. Zee’k later nog un grote blauwe kaarte in un leuge enveloppe bie de ààndere papiern zittn, woerop steet ”We hebben een nieuw rekeningnummer. Houdt hier rekening mee als u betaald”. Mò’k toch alles wier oet’n vuinisbak visken um te kiekn wat het nieuwe nummer was èwörn zoda’k de betaling op ni’js konne doon.
Doarna hek die blauwe kaarte ok mear in’n vuilnisbak ègooid zoda’k mie doar ok neet mear an store…
