8 oktober 2015 – Ingewikkeld

Met al die nieuwerwetse apparaatn wordt er ok un verlangn noar vrogger oppèwekt, toen alles nog neet zo ingewikkeld was.
Oonderstaanden foto he’k  met mien smartphone èmaakt. Doar he’j de hele wereld met in hààndberiek (Facebook, Twitter, NU.nl) en ie könt er behalve belln (ok handig!) ok foto’s met maakn, contactloos betaaln, de weg met veendn en goat zo mear duur. Dizzen hypermodernen foto is “automatisch” oold èmaakt duur de “foto-app”. Hee is wat onschaarp èmaakt, de kluurn bint bie-èkluurd, de räne bint zwat èmaakt en doar is un oranjen streep oppeteaknd. Het lik nò un foto oet de joarn zeungtig. En ik veene em ok nog mooi.
Ik kanne nò làànk en deepe filosofeern woerumme die hang noar vrogger wordt oppèwekt. Mear dat za’k mear neet doon, want dat wordt mie te ingewikkeld…

8 oktober 2015

Eén antwoord op “8 oktober 2015 – Ingewikkeld”

Geef een reactie

Je e-mailadres wordt niet gepubliceerd. Vereiste velden zijn gemarkeerd met *